长汀山歌 ——十二月急
客家山歌十二月急 正月急，是新年，六亲三戚来拜年，旧年唔曾蒸有酒，冇把酒壶在桌前，
口说莲花也枉然。
二月急，是花朝，今朝急来急明朝，
今朝急来没米煮，明朝急来冇柴烧，
身上冇钱好心焦。
三月急，是清明，上家下屋祭祖坟，
有钱人家宰猪宰鸭祭，冇钱人家猪肉冇半斤，
家中冇钱好痛心。
四月急，是立夏，清早起来急到夜，
急到猫嬷变猫牯，急到生龙变死蛇，
想想冇钱好冇法。
五月急，是端阳，上家下屋食雄黄，
有钱人家雄黄调酒吃，冇钱人家雄黄调滚汤。
食在肚中心都凉。
六月急，正食新，有钱冇钱两样人，
有钱人家有人敬，冇钱人家人看轻，
心中想哩唔甘心。
七月急，七月半，别人烧纸我在看，
有钱人家三牲并酒礼，冇钱人家香烛有一行，
阴间阳间一般般。
八月急，是中秋，新亲老亲一下丢，
新亲老亲丢掉了，家中冇钱好急愁，
越思越想泪横流。
九月急，是重阳，上家下屋做衣裳，
上家做的毛哔机，下家做的绸和缎，
可怜我家布毛冇一行。
十月急，是立冬，刚刚急哩三百工，
整整急哩三百夜，急到腰驼背又弓，
想起冇钱冇威风。
十一月急，雪飞飞，寒风雨雪又来哩，
日哩急来冇衫着，夜哩急来冇棉这被，
暗晡冇被盖蓑衣。
十二月急，又一年，辛辛苦苦唔曾赚到钱，
兄弟子嫂不和气，叔婆伯娓行唔前，
喊我样般过得年。
帮顶 CTW有你更精彩：） 顶帖 感谢分享^_^ CTW有你更精彩：） 谢谢分享 谢谢分享。 传承的长汀山歌！ 谢谢分享！张旭兄辛苦了
页:
[1]
2